ತುದಿಮೊದಲು

ಭಾವದೆಳೆಗಳ ಎಳೆದಾಟದಲಿ ನೊಂದು
ಅಕ್ಷರಗಳಿಗೆ ಶರಣಾದ ಕಾಲವಂದು
ಬಿಡಿಸಿಟ್ಟ ಚಿತ್ರವೇ ರಂಗೋಲಿಯೆಂದು

ಮನದ ಕಣ್ಣೀರಲ್ಲಿ ಅಂಗಳ ಸಾರಿಸಿ
ಚುಕ್ಕಿಗಳಿಗೆ ಕನಸಿನ ಬಣ್ಣ ತುಂಬಿಸಿ
ಹಾಕಿದ ಚಿತ್ತಾರವ ಬಿಗಿದಾಲಂಗಿಸಿ

ಚೊಚ್ಚಲಿಗೆ ಮೆಚ್ಚುಗೆಯೇ ಹೆಚ್ಚಾಗಿ
ಧಾರೆಯಲಿ ಮಿಂದು ಕೊಚ್ಚಿಹೋಗಿ
ಬಿಡಿಸಿದಷ್ಟು ಸಿಕ್ಕಾಗಿ ಮತ್ತದೇ ಪ್ರಶ್ನೆಯಾಗಿ

ಕೈಬೀಸಿ ಕಳಿಸಿಕೊಟ್ಟ ಕೊನೆಯ ಕವನ
ಮುಗಿದ ಕಥೆಯ ಅರ್ಥವಿರದ ಹೂರಣ
ಮತ್ತೆ ಕರೆಯಲಿ ನಿರ್ಬಂಧಿಸಿದ ಲೇಖನ